Close
Ko te rorohiko hei pupuri kōrero

Ko te rorohiko hei pupuri kōrero

Tirohanga Whānui

He Whakataki

Ka wānanga ngā ākonga i ngā ingoa Māori me ngā pūrākau e hāngai ana ki tēnā whetū, ki tēnā whetū, ki ngā huinga whetū me ngā tauira kāhui whetū i te pō. Ka whakatau te kaiako ki te hono i tā rātou wānanga ki te pūmanawa papamā pāhekoheko, ActiveInspire.

Tā tēnei mahi e whakaatu ana

Ko tā Orīni whakautu ko te waihanga tūtohi hura whakataurite, e hāngai ana ki te huinga whetū o Matariki. Kei roto i tana tūtohi hura ko ngā ingoa o ia whetū me tētahi hoahoa o te huinga whetū o Matariki, he mea whai ororongo hoki. Ko tā te tūtohi hura he whakaatu ka taea e Orīni te tāuru kuputuhi, ngā āhua ahanoa me ngā kōnae ororongo; te raweke ahanoa pērā i te wāhitau, te rahi, te muhani me te raka.

Ngā momo tikanga

Kua kōrerohia e te akomanga ngā ture hei tiaki i a rātou ina rapu ana rātou i ngā atahanga i runga ipurangi, tae atu ki te whakamahinga o ngā whiringa tātari rapu haumaru.

 

He mea i tikiake mai i http://technology.tki.org.nz Ko te ActiveInspire he mea waitohu nā Promethean World, ehara i te mea he tautoko, he whakamana, e whakaae ana rānei rātou ki tēnei pae. Mana tārua © Te Tāhuhu o te Mātauranga 2018, engari anō ngā atahanga ActiveInspire. Kāore tēnei papatono e tautokotia ana e te Tāhuhu o te Mātauranga.