Close

Hangarau Matihiko in Te Ao Māori

Te Whānau Hangarau Matihiko

Video Transcript
Kōhine – Me mātakitaki tāua i tēnei nā e Kere.

Ko te reo o Te Miri (e puta ana i te waea) – Koinei tētahi tino tipuna o tō mātau whānau i haere mai i Hawaiki. I…

Kere – (ka tīoro ia me te karanga atu ki te waea) Koro, Koro

Te Miri – Kia ora kōrua, kei te aha kōrua?

Kōhine – Kei te whakarongo māua ki ngā kōrero mō te pou i roto i tō mātau wharepuni. Kua kite anō koe i te taupānga hou i hangaia e Pāpā Rā nē Koro? Titiro (ka hoatu te waea ki a ia). He rawe nā te mea kāore e maumahara katoa i ahau ngā kōrero, ā, ināianei ka taea e au a Kere te whakaako mā tēnei taupānga.

Kere – (ka toro atu ki te waea) Māku e mahi!

Te Miri – Āe, māu a whakaatu ki a Koro he pēhea te mahi a tēnei

Kere – (ka mahi i a ia te waea kātahi ka tīmata a Te Miri ki te kōrero)

Te reo o Te Miri (mai i te waea) – Koinei tētahi tino tipuna o tō mātau whānau i haere mai i Hawaiki. I haere mai ia i…

Te Miri – He tino taonga tāu Kōhine, ka mutu kei te mīharo ahau ka taea e taua taonga ā tātau tamariki me ā tātau mokopuna te āwhina ki te ako haere anō mō te marae me te ao Māori.

Kōhine – Āe e Koro. E kīia ana tēnei ko te Ao Whakarei ā-Mariko. Ka āwhina anō tēnei i ngā manuhiri katoa ka tae mai ki tō tātau marae kia mōhio ai rātau he aha i hira ai ēnei mea katoa ki a tātau (ka tohu haere ki ngā tauira katoa kei te pou me ngā tukutuku i waenga). Ka taea e rātau te taupānga te tikiake ka whakarongo ki ā mātau kōrero whakamīharo.

Te Miri – (e katakata ana) Āe, ko te mahi māku ināianei he hopu kōrero atu anō ki taku waea ka tuku atu ai ki a Rā kia pai ai tana tāpiri ki taua taupānga.

Kere – (kei te haere atu ki a Te Miri me te toro atu ki tana tokotoko) Koro! Te kōrero mō te rākau.

Te Miri – Ā, me hopu pea e au tēnei kōrero. I te kōrero māua ko Mā Kiri mō tēnei i tētahi rangi nei, he āhua rite nei ki te pūrere USB mō ngā kōrero tuku iho mō tō tātau whānau, whenua, awa, maunga

Kōhine – he whakaaro pai tēnā e Koro.

Kere – Koro, Koro! Kōrero mō te rākau, neeee Koro?

Te Miri – Āe, āe. Tēnā, haramai ki konei noho ai kia pai ai taku whakaatu anō i ngā whakairo ki a koe.
Hangarau Matihiko in Te Ao Māori video transcript

Te Whānau Hangarau Matihiko

  • Video-transcript-Hangarau-Matihiko-in-Te-Ao-Maori.pdf
  • 78 KB