Close
Hinerupe

Hinerupe

Hinerupe

Nā Kararaina Ngātai-Melbourne rāua ko Pohatu Poutu i taki
Nā Kamaea Henderson ngā whakaahua

 

E tākina ana e tēnei pukapuka te hītori ā-iwi e pā ana ki te tipuna nō Te Tai Rāwhiti, ki a Hinerupe. E whakaahua ana ngā kaituhi i ngā whakapapa hira, ngā hononga me ngā hītori ā-iwi e piki ai a Hinerupe ki te tūnga o te kaihautū, me tōna tukunga iho ki ana uri. Kei roto anō hoki he kōrero whakakohuki mō te urutomo a Ngā Puhi i ngā tau tōmua o te rautau 19.

Te pukapuka

He mea tuhi ki te mita o Ngāti Porou. Kua tuhia hei pukapuka māhuri, ā, mā ngā ākonga tau 7 me te 8 (i tua atu hoki). Ko ngā pikitia he whakaahua o ngā tauwāhi i te takiwā o Matakaoa.

Ka taea te tono i Huriawa i Down the Back of the Chair mā te hoatu i te nama take 712178.

Ngā horopaki ako ka taea

He wānanga te hua o tēnā wāhanga, o tēnā wāhanga o te pukapuka. Ko tā mātou e marohi nei me whai haere i te pukapuka i te taha o ngā ākonga me te arotahi ki ngā āhuatanga rerekē o te kōrero. Kei roto he whāinga wahi ki te:

  • Tūhurahura i ngā tīpuna hira – mai i tēnei kōrero, nō tōu ake rohe hoki.
  • Tūhurahura i ngā rauemi me ngā whai wāhitanga i whakarato rā tō rohe, hei tauira, he aha ngā tūpuna i kōwhiri ai ki te pūwhenua ki reira.
  • Tūhurahura i ngā pūtake mō ngā wenewene i pā ki tō rohe, hei tauira, mō ngā hononga, rawa hoki.
  • Rangahau kaihautū wāhine i tō iwi.
  • Rangahau i te pānga o te pū ki ngā mahi pakanga i waenga iwi whai muri i te tīmatatanga a tā te Pākehā hokohoko pū ki te Māori.
  • Rangahau waiata tangi nō tō iwi, me te hītori e pā ana ki te tito.
  • Tito waiata mō tētahi mahi hītori o tō iwi e pā ana ki tētahi tipuna hira.

Ngā hononga ki Te Marautanga o Aotearoa

Tikanga ā-Iwi

Te Ao Hurihuri

Ka whakawhanake mōhiotanga te ākonga ki:

  • ngā pānga i waenga i te tangata me ngā tūāhua o mua, ngā whakapono me
  • ngā whakaawenga i waihangatia ai te porihanga;
  • ngā whakamāoritanga o aua pānga i te huringa o te wā.
Taumata 3

3.1 Ka whakamārama i te whakaawenga o ngā whakaaro me ngā mahi a te tangata i te oranga o ētahi atu i ngā wā o mua. Ka whakamārama i ngā huarahi e taea e te takitahi me te rōpū te urupare ki te panoni.  

Taumata 4

4.1 Ka tautohu i ngā pūtake me ngā otinga o ngā tūāhua kua waihanga i te oranga o te tangata. 

4.2 Ka whakaahua i ngā huarahi e tuhia ai, e maumaharatia ai ngā mahi o mua.

Hītori Māori

Ka whakarato whāinga wāhi tēnei rauemi e torotoro ai ngā ākonga me ngā ākonga i ngā kaupapa e whakaaturia ana i Te Takanga o te Wā.

  • Whakapapa
  • Tūrangawaewae
  • Mana Motuhake
  • Kaitiakitanga
  • Whanaungatanga