Close

He aha te Whakaaro Rorohiko?

Video Transcript
Kōhine – Kia ora Tama
Tama – Kia ora Kōhine. Pēhea te kura i tēnei rā?
Kōhine – Tino pai! I kōrero mai a Mā Kiri mō te whakaaro rorohiko i tēnei rā engari ehara i te mea he rite ki te whakaaro pēnei i te rorohiko nei, he tukanga whakaaroaro tēnei, ā, mā te whakamahi i taua tukanga, ka taea e tātau te hoahoa me te hanga rongoā mō ngā raruraru, ka mutu ka riro mā ngā rorohiko ā tātau mahi e mahi.
Tama – (e katakata ana) I tino pērā tonu ngā kōrero a Mā Kiri, nē?
Kōhine – (pono te kōrero) Āe. (pōkai i ana ringa)
Tama - He aha tērā? (ka tohu atu ki tana rorohiko-pona)
Kōhine – Mahi kāinga! Kei te tirotiro ahau i te rārangi mahi kia pai ai taku kōwhiri i te mea e hiahia ana ahau ki te mahi ā tērā wiki.
Tama – He aha ngā mea hei kōwhiri i te rārangi?
Kōhine – Ka taea e au tētahi mīhini karetao iti te whakahaere kia nekeneke i tētahi ara i runga i te papa, kei te mārama ahau ki tērā. Engari, kāore i te mārama ki ahau mēnā ka hangaia tētahi mataora o te pūrerehua he whakaaro rorohiko tēnā?
Tama – Kei konei e kī ana (ka tohu ki te rorohiko-pona) ka whakamahia e koe he whatunga kōmaka, koinā te wāhanga whakaaro rorohiko. Kia maumahara, i kī a Mā Kiri he tukanga te whakaaro rorohiko nō te whiriwhiri me te rapa rongoā?
Kōhine – āe
Tama – Nō reira, ina whakaaro pēnei koe, ehara i te mea me whakamahi rorohiko koe. He nui ngā mahi papai ka taea e koe me te kore rorohiko.
Kōhine – I kī mai a Mā Kiri kei reira anō ētahi wāhanga o te whakaaro rorohiko kāore anō kia kōrerohia mai e ia, kei te mōhio anō koe?
Tama – Āe, e.. e whā ki tōku mōhio, āe e whā. Ko te Whakawāwāhi pea te mea tuatahi, i konei ka wāwāhia e koe te raruraru ki ōna wāhanga. Ko te Tangotango i muri mai. Ka wherawhera koe ko ēhea o ngā wāhanga iti ngā mea hira, ā, ko ēhea ngā mea hei whakarere. Ana i muri mai koe te Āhukahuka Tauira
Kōhine – He aha tērā.
Kōhine – Āhukahuka Tauira
Kōhine – Te āhua nei he uaua tērā.
Tama – Ko te Āhukahuka Tauira, ko te tautuhi tauira tērā kia taea ai te tuku matapae mō tētahi rongoā pea ka taea.
Kōhine – Te whānui kē.
Tama – āe, engari i a koe e mahi ana i te whakaaro rorohiko, ehara i te mea he uaua. this complicated. So, last is Algorithms and that is the steps of the instructions, in the right order. Ana, ko te mea whakamutunga ko Ngā Hātepe, koinei ngā upane o ngā tohutohu, ki te raupapa tika.
Kōhine – Nē, kua matatau kē ahau ki tērā wāhanga, ka taea e au ngā hātepe te whakaharatau ināianei tonu!

Kōhine – Tama.
Tama – Āe?
Kōhine – Kei te whakamātau māua ko Māka ki te rapa i tētahi rongoā mā Māmā. Kāore ia i te whai wā ki te waiwai i te māra i te marae, ana e hiahia ana māua ki te hanga i tētahi pūnaha waiwai aunoa māna. Ka taea anō e māua te whakaaro rorohiko ki te whakamahi mō tēnā?
Tama – Āe, he pai tēnā whakaaro. Kei te ako anō a Māka i tēnei i te kura, nō reira ka taea e kōrua te mahi tahi.
Kōhine – Ka hangaia e māua he pūoko wai mō te oneone, he aromatawai i te mākū o te oneone, kātahi ka whiriwhiri mēnā me waiwai i ngā tipu, kāore rānei.
Tama – He tino pai tēnā whakaaro, ka tino harakoa a Māmā.
Kōhine – Kia ora e Tama (ka pōhirihiri atu i a ia e wehe atu ana)
Tama – Kei te pai.
He aha te Whakaaro Rorohiko? Video transcript

Te Whānau Hangarau Matihiko

  • HKRCL-107-transcript.pdf
  • 111 KB