Close
thumb Maui title page
Māui

Māui

He kōrero nō Poutini ki te Toka

He Whakamārama Whānui

E ai ki a Kāi Tahu, ko Maitahi, i Poutini ki te Toka, te wāhi i ū tuatahi mai ai a Māui ki Aotearoa. I reira, ka kitea e ia Kā Tiritiri o te Moana, ngā ngahere nui whakaharahara, ngā whenua e nōhia ana e te tini o ngā mea oreore whakamīharo, tae atu ki ngā puiaki ahurei maha o Poutini ki te Toka. Kātahi ia ka rere whakatetonga, ka whai haere i te takutai o Te Waka a Māui, ka huri haere, ka tae ki Kaikōura, ā, ki Mangamaunu. I Mangamaunu ka mau i a ia tāna ika rongonui – Te Ika a Māui.

Ngā pukapuka

Māui – nō Tuawhakarere

Māui – nō tuawhakarere

Te kōrero onamata mō tētahi waka rere, ko Tūwhakarara te ingoa, me tāna rere ki te kimi whenua hou.

Te Hē o Māui

Te Hē o Māui

Te kitenga tuatahitanga o Māui i Kā Titiriti o te Moana.

Te Tauraka Waka o Māui

Te Tauraka Waka o Māui

Te taunga atu o Māui ki Maitahi.

Kā Tapuwae o Māui

Kā Tapuwae o Māui

Ngā takahanga waewae a Māui ki te tūhura haere i Te Waipounamu, ā, me te hīnga ake o Te Ika a Māui.

Ngā kōrero mā te kaiako

Kei ēnei kōrero mā te kaiako:

  • he whakamārama poto e hāngai ana ki ia whārangi me ngā kupu Māori matua e rite ana.
  • he kōrero whānui, he wherawheratanga o ngā ariā matua.
  • he hono ki Te Whāriki me ētahi atu tohutoro whaitake.  
Kupu tāpiri  E mātua whakamahia ana te reo me ngā kupu o Kāi Tahu i tēnei rauemi. Ko te ‘ng’ ki a Kāi Tahu, he ‘k’. Hei tauira, Ngāi Tahu = Kāi Tahu.

Ngā hono ki Te Whāriki mō Te Kōhanga Reo

Ko ēnei pukapuka mō Māui, he hākari mā te mata. He horopaki pai anō mō te tuku i ngā kōrero me te reo o Kāi Tahu (Poutini ki te Toka) ki ngā tamariki.

E taunaki ana te rauemi nei i te aho Mana Reo o Te Whāriki mō Te Kōhanga Reo.

Mana Reo

  • Kōrero i te reo.
  • Whakawhitiwhiti whakairo.
  • Whakatipu mōhio mō te tapu o te reo.
MANA REO Whakatinanatanga whakairo Te hinengaro reo Māori Hononga wairua Kōrero ā-whatumanawa
  • kōrero i te reo
  • whakawhitiwhiti whakaaro
  • whakatipu mōhio mō te tapu o te reo
  • he maha ngā momo reo
  • he tāhū tō te reo
  • he whakaputanga mana tangata, mana ā-iwi
  • he ariā nō te hinengaro mō te whakawhiti whakaaro
  • mā tōna tau ki te reo ka rewa te mana o te tangata me te reo
  • he wairua kei ngā reo katoa
  • he kurupounamu ngā reo katoa
  • mā te kōrero ka ora te reo
  • whakaatu ā-ngākau i te aroha, i te harikoa, i te pōuri, i te mataku, i te kino
  • mā te reo ka tū māia, ka pai te hauora, ka

Down the Back of the Chair

Ka wātea he tāruatanga anō o ēnei pukapuka i Down the Back of the Chair, mā te hoatu i ngā nama take:

 

Māui – nō tuawhakarere 712505
Te Hē o Māui 712049
Te Tauraka Waka o Māui 712048
Kā Tapuwae o Maui 712047

Waea koreutu: 0800 660 662

Waeatuhi koreutu: 0800 660 663

Īmēra: orders@thechair.minedu.govt.nz

 

hills
Related Resources